ԱՄՆ-ն ուղղակի չի պատրաստվում այլեւս հանդուրժել Սիրիա Թուրքիայի ներխուժումը. Մայքլ Փենս

ԱՄՆ փոխնախագահ Մայք Փենսն առաջիկայում կուղեւորվի Մերձավոր Արեւելք՝ կապված Սիրիայի Հյուսիս-արեւելք Թուրքիայի ներխուժման հետ:

Փենսի խոսքով՝ ԱՄՆ նախագահ Դոնալդ Թրամփն ավելի վաղ երկուշաբթի հեռախոսով խոսել էր թուրք առաջնորդ Ռեջեփ Թայիփ Էրդողանի հետ եւ նրան կոչ արել անմիջապես դադարեցնել սիրիացի քրդերի դեմ Թուրքիայի գործողությունները: Նա նշել է, որ նախագահն «անչափ մտահոգված է տարածաշրջանում անկայունությամբ» եւ հերքել է, որ Թրամփը Թուրքիային ներխուժելու համար կանաչ լույս է տվել, երբ հայտարարել է զորքերը դուրս բերելու մասին:

«ԱՄՆ-ն ուղղակի չի պատրաստվում այլեւս հանդուրժել Սիրիա Թուրքիայի ներխուժումը»,- հայտարարել է Փենսը: