Լաս Վեգասում ՀՀ պատվավոր հյուպատոսը մշտական կապի մեջ է տեղի իշխանությունների և իրավապահ մարմինների հետ։ Հաստատված տեղեկություններ տուժած հայերի մասին այս պահին չկան։ Այս մասին Twitter-ի միկրոբլոգում գրառում է կատարել ՀՀ ԱԳՆ մամուլի խոսնակ Տիգրան Բալայանը: Ավելի վաղ Armenia.im-ի հայտնել էր, որ տուժածների թվում են հայ եղբայրներ Արմենակ եւ Մուշեղ Մուրադյանները: Ըստ գործակալության՝ նրանք Բըրբանք քաղաքից են: Արմենակը վիրավորում է ստացել ոտքի շրջանում, նրան արդեն դուրս են գրել հիանդանոցից, գրել էր կայքը: Լաս Վեգասում ՀՀ պատվավոր հյուպատոսը մշտական կապի մեջ է տեղի իշխանությունների և իրավապահ մարմինների հետ։ Հաստատված տեղեկություններ տուժած հայերի մասին այս պահին չկան։ pic.twitter.com/bijNIMqhUa — Tigran Balayan (@tbalayan) October 2, 2017 Վերջին տվյալներով Լաս Վեգասում տեղի ունեցած հրաձգությանը զոհ է գնացել 58 մարդ: Վիրավորների թիվը հասել է 515-ի: Իշխանությունները կոչ են արել քաղաքացիներին մոտակա հիվանդանոցներում արյուն հանձնել՝ տուժածներին օգնություն ցուցաբերելու նպատակով: Հաղորդվում է, որ վիրավորներից 150-ի վիճակը ծայրահեղ ծանր է: Հիշեցնենք, որ ահաբեկչությունն իրականացրել է 64-ամյա Ստեֆն Փեդոքը: Նա Mandalay Bay հյուրանոցի պատշգամբից կրակ էր բացել Route 91 երաժշտական փառատոնի մասնակիցների վրա: Կատարվածի պատասխանատվությունը ստանձնել է Իսլամական պետություն ահաբեկչական խմբավորումը:
