Ռոբերտ Քոչարյանի գրավի միջնորդությունը քննող դատավորը ինքնաբացարկ հայտնեց

ՀՀ երկրորդ նախագահ եւ Մարտի 1-ի գործով մեղադրյալ Ռոբերտ Քոչարյանի գրավի միջնորդությունը քննող դատավոր Նելլի Բաղդասարյանը ինքնաբացարկ հայտնեց:

Դատավորն, այսպիսով, բավարարեց քննիչի եւ հսկող դատախազների երեկ ներկայացված միջնորդությունը՝ ինքնաբացարկ հայտնելու վերաբերյալ:

Վերաքննիչ քրեական դատարանը դեկտեմբերի 7-ին որոշեց անփոփոխ թողնել առաջին ատյանի դատարանի որոշումը, ինչից հետո Քոչարյանը կալանավորվեց: Պաշտպանները Վերաքննիչի այս որոշումը արդեն իսկ բողոքարկել են Վճռաբեկ դատարան: Քոչարյանը մեղադրվում է սահմանադրական կարգը տապալելու համար:

Առաջին ատյանի դատարանը նրա նկատմամբ խափանման միջոց էր ընտրել կալանավորումը, սակայն Վերաքննիչ դատարանի որոշումից հետո Քոչարյանն ազատ էր արձակվել բացառապես անձեռնմխելիության հիմքով:

Վճռաբեկ դատարանը նոյեմբերի 15-ին բեկանել է Ռոբերտ Քոչարյանի նկատմամբ ընտրված խափանման միջոց կալանավորումն անձեռնմխելիության հիմքով վերացնելու վերաբերյալ Վերաքննիչ դատարանի որոշումը, եւ գործն ուղարկվել էր նույն դատարան՝ նոր քննության: