Իրանի ԱԳ նախարար Մոհամմեդ Ջավադ Զարիֆը հայտարարել է, որ որոշ ժամանակ անց ԱՄՆ նախագահը ստիպված կլինի փոխել Իրանի նկատմամբ իր քաղաքականությունը: ԻՌՆԱ-ի հաղորդմամբ, անդրադառնալով ԱՄՆ-ի կողմից Իրանի դեմ շրջափակումների նոր փուլի գործադրմանը, նա ասել է. «Այս պատժամիջոցներն ուղղված են Իրանի ժողովրդի դեմ: ԱՄՆ-ն շրջափակումների ցուցակի մեջ ներառել է նախապես լուծարված ընկերությունների, սակայն սա ԱՄՆ-ի կառավարության հուսահատության նշանն է»: Նա նաև վստահություն է հայտնել, որ վատ օրեր են սպասում ԱՄՆ կառավարությանը: «Այն կառավարությունը, որ նույնիսկ չի կարողացել իր ժողովրդին ապացուցել, որ այդ քաղաքականությունները ԱՄՆ-ի ժողովրդի օգտին են և ԱՄՆ-ի ազգային շահերը պաշտպանելու փոխարեն, իր աջակիցների փոքր խմբի շահերն է պաշտպանում»:
