Սիրիայի իշխանությունները մտադիր են վերադարձնել բոլոր տարածքները, որոնք օկուպացրել են թուրքական, ամերիկյան և այլ ուժեր: Այդ մասին ՌԻԱ Նովոստին հետ զրույցում ասել է Սիրիայի բանակի քաղաքական վարչության ղեկավար, գեներալ Հասան Ահմադ Հասանը: «Նրանք, ովքեր կարծում են, որ Սիրիան մի թիզ հող կթողնի թուրքական, ամերիկյան կամ այլ ուժերի վերահսկողության տակ, թող մեկ անգամ էլ մտածեն»,- ասել է գեներալը: Նա մանրամասնել է, որ Սիրիան կարող է վերադարձնել այդ տարածքները կա՛մ խաղաղ կարգավորման միջոցով, կա՛մ, քաղաքական մեթոդների տապալման դեպքում, ուժի գործադրման ճանապարհով:
