Նախօրեին, ժամը 16:30-ի սահմաններում, հակառակորդը կրակ է բացել Տավուշի սահմանամերձ Բաղանիս գյուղի արոտավայրերի ուղղությամբ: Ինչպես հայտնում է Yerkir.am-ը՝ գնդակոծությունը մոտ 7 րոպե է տևել: Նշվում է, որ արդյունքում վնասվել է գյուղացիներին պատկանող 5 գլուխ խոշոր եղջերավոր անասուն: Ըստ գյուղապետի, հակառակորդը նպատակադրված նյութական վնաս է հասցրել գյուղացիներին: Հիշեցնենք, ապրիլի 7-8-ի գիշերն էլ լարված է եղել նախիջևանյան հատվածում: Ադրբեջանական զինված ուժերը մի քանի անգամ խախտել են հրադադարի ռեժիմը և կրակ արձակել հայկական զինված ուժերի ուղղությամբ, հիմնականում` հրաձգային զենքերից: ՀՀ զինված ուժերը պատասխան գործողություններով լռեցրել են հակառակորդին: