Միջանկյալ ընտրություններից հետո տնտեսական հաջողությունները կնպաստեն ամերիկացիների միավորմանը: Fox News-ի հետ հարցազրույցում այսպիսի կարծիք է հայտնել ԱՄՆ նախագահ Դոնալդ Թրամփը:Նշվում է, որ հեռուստաալիքի լրագրողը Թրամփին հարցրել է, թե քվեարկության նախաշեմին ի՞նչ կոչով է դիմում ամերիկացիներին, որոնք ձգտում են «խաղաղության եւ միասնության»:«Մենք նախ պետք է ընտրություններն անցկացնենք…դա հետաքրքիր ժամանակահատված կլինի…Մենք հիմա ֆինանսական ու տնտեսական տեսանկյունից ամենահաջող ժամանակահատվածին ենք հետեւում: Կարծում եմ, որ դա մարդկանց կմիավորի»,- ասել է ամերիկացի առաջնորդը:
