Ուկրաինայում ուսումնասիրվել է մահացու հարուցիչների տարածման մեխանիզմը. ՌԴ ՊՆ

Ռուսաստանի պաշտպանության նախարարության խոսնակ, գեներալ-մայոր Իգոր Կոնաշենկովն այսօր՝ մարտի 10-ին, ասել է, որ Պենտագոնի կողմից ֆինանսավորվող Ուկրաինայում կենսաբանական հետազոտությունների նպատակն է ստեղծել մահացու հարուցիչների գաղտնի տարածման մեխանիզմ, հայտնում է RT-ն։

«Հատկապես հետաքրքիր էր մանրամասն տեղեկատվությունն Ուկրաինայի տարածքում ԱՄՆ-ի նախագծի իրականացման վերաբերյալ՝ ուսումնասիրելու Ուկրաինայի և Ռուսաստանի և այլ հարևան երկրների միջև գաղթող վայրի թռչունների կողմից պաթոգենների տեղափոխումը», - ասաց նա:

Նա պարզաբանել է, որ փաստաթղթերը ցույց են տալիս, որ Միացյալ Նահանգները մտադիր է 2022 թվականին Ուկրաինայում աշխատանքներ իրականացնել թռչունների, չղջիկների և սողունների ախտածինների վրա՝ հետագա անցում կատարելով խոզերի աֆրիկյան ժանտախտի և սիբիրախտի վարակման հնարավորության ուսումնասիրությանը։

«Ուկրաինայում Պենտագոնի կողմից ֆինանսավորվող այս և այլ կենսաբանական հետազոտությունների նպատակը մահացու հարուցիչների գաղտնի տարածման մեխանիզմի ստեղծումն էր», - ասել է Կոնաշենկովը:

Ավելի վաղ ՌԴ պաշտպանության նախարարությունը հայտնել էր, որ Լվովում, Խարկովում և Պոլտավայում ավելի քան 30 լաբորատորիաներ աշխատում են վտանգավոր վարակիչ նյութերի հետ՝ ԱՄՆ գլխավորած ռազմական կենսաբանական ծրագրի շրջանակներում։

Պենտագոնից հայտնել են, որ այս տեղեկությունը չի համապատասխանում իրականությանը։