Հայաստանը հաստատում է գոյություն ունեցող տվյալների վրա սահմանի ֆիքսման սկզբունքը

Կառավարության մայիսի 16-ի նիստում վարչապետ Նիկոլ Փաշինյանը հայտարարել է Հայաստանի կողմից այն սկզբունքի ընդունման մասին, ըստ որի սահմանը որոշվում է արդեն գոյություն ունեցող տվյալների հիման վրա: Այս հայտարարությունն արվել է Հայաստանի և Ադրբեջանի միջև սահմանագծման և սահմանազատման աշխատանքների համատեքստում։

"Եթե մենք առաջնորդվեինք նոր սահմանի ստեղծման տրամաբանությամբ, դա կնշանակեր, որ մենք էսկալացիայի և ռազմական բախումների մշտական աղբյուր ենք ստեղծում։ Մենք եթե էսկալացիոն կոնտեքստը դուրս չենք բերել, ապա գոնե զգալիորեն կրճատել ենք", - ընդգծել է Նիկոլ Փաշինյանը։

Նա նաև նշել է, որ Տավուշի հատվածում իրականացվող սահմանազատման գործընթացը հաշվի է առել հասարակության շահերը, այդ թվում՝ Ոսկեպարի Սուրբ Աստվածածին եկեղեցին, և ապահովում է ճանապարհի անվտանգությունը, որն այժմ գտնվում է Հայաստանի ինքնիշխան տարածքում։

Սակայն, ինչպես հայտնել Է վարչապետը, խնդիրներ են առաջանում "սահմանն անցնում է այնտեղ, որտեղ անցնում է" սկզբունքի ընդունման հետ կապված։ Տավուշի այս հատվածում սահմանազատումն իրականացվել է 1976 թվականի խորհրդային քարտեզներով։

Հայաստանի կողմից սահմանազատման և սահմանագծման հանձնաժողովի նախագահ Մհեր Գրիգորյանը հաստատել է, որ ադրբեջանական կողմի հետ շարունակում են աշխատանքները սահմանազատման և սահմանագծման հանձնաժողովների կանոնակարգի նախագծի շուրջ։ Նրա խոսքով՝ Ադրբեջանը պատրաստակամություն է հայտնել շարունակել սահմանազատման գործընթացը նույն բանաձևով և ալգորիթմով, ինչ նախկինում։

Ընթացիկ տարվա ապրիլին տեղի ունեցան Հայաստանի և Ադրբեջանի միջև սահմանագծման հանձնաժողովների ութերորդ և իններորդ նիստերը, որոնց ընթացքում համաձայնեցվեցին Տավուշի մարզի չորս գյուղերի միջև սահմանի հատվածները:

Մայիսի 6-ի դրությամբ հայ-ադրբեջանական սահմանի Տավուշի հատվածում արդեն տեղադրվել է 40 սահմանային հենասյուն: Մայիսի 15-ին հայ-ադրբեջանական սահմանին տեղի է ունեցել Հայաստանի և Ադրբեջանի սահմանագծման հանձնաժողովների իններորդ նիստը, որի ընթացքում ստորագրվել է չորս գյուղերի միջև սահմանի հատվածներում համատեղ կազմված արձանագրություն: