Իրանն այժմ տեխնիկապես պահպանում է միջուկային գործարքն ու հույս ունի ներդրումներ ստանալ ԵՄ-ից: Այդ մասին հայտարարել է ԱՄՆ-ի Կենտրոնական հետախուզական վարչության ղեկավար Ջինա Հասփելը: ԱՄՆ-ն վաղուց է վարում Իրանին ճնշելու քաղաքականությունն` այպես էր Բարաք Օբամայի օրոք, իսկ Դոնալդ Թրամփն ավելի է խստացրել Իրանի հանդեպ քաղաքականությունը բոլոր ուղղություններով: Այդ մասին հայտարարել է փորձագետ Բորիս Դոլգովը: Ըստ նրա, ԱՄՆ-ն Իրանի դեմ գործում է Իսրայելի հետ համատեղ. Իսրայելի պաշտպանությունը ԱՄՆ-ի ռազմավարական նպատակն է: Փորձագետը հավելել է, որ ԱՄՆ-ն շարունակելու է քայլերն Իրանին առավելագույնս թուլացնելու ուղղությամբ:
