Սիրիական զինված ընդդիմության անդամները կարող են օգտվել համաներումից, որը նրանց նկատմամբ կհայտարարի Սիրիայի կառավարությունը: Այս մասին հայտարարել է Սիրիայի նախագահ Բաշար Ասադը: Նրա խոսքով, կառավարությունը համաներում կշնորհի յուրաքանչյուր գրոհայինի, որը կհանձնի զենքը: «Եթե նրանք ցանկանում են վերադառնալ նորմալ կյանքի, ապա սա է միակ տարբերակը: Դա առավելագույնն է, ինչ մենք կարող ենք նրանց առաջարկել», — նշել է Ասադը: Ավելի վաղ հայտնի դարձավ, որ Ասադը պատրաստակամություն է հայտնել մասնակցել հունվարի 23-ին Աստանայում կայանալիք բանակցություններին և ավելացրել, որ այդ հանդիպմանը հնարավոր է քննարկվվի Սիրիայում սահմանադրական հանրաքվեի անցկացման հարցը:
