Ռուսաստանի հետ կապերի հարցով Վրաստանի վարչապետի հատուկ ներկայացուցիչ Զուրաբ Աբաշիձեն հայտարարել է, որ որոշակի պայմանների դեպքում Մոսկվան և Թբիլիսին կարող են վերադառնալ դիվանագիտական հարաբերությունների վերականգնման հարցին։ «Թբիլիսին պատրաստ է Պրահայում շարունակել երկխոսությունը պրակտիկ հարցերի շուրջ և Ժնևի միջազգային քննարկումները»,-մեջբերում է «Իզվեստիա» թերթ Աբաշիձեի խոսքերը։ Աբաշիձեն նաև նշել է, որ Գրիգորի Կարասինի հետ նոր հանդիպում տեղի կունենա փետրվարի սկզբին։
