2.10.2022
Մեկնարկել է ազատագրական շարժումը. հավաքվում ենք Երևանի Հանրապետության հրապարակում
prev Նախորդ նորություն

Նորություններ գործընկերներից

Երևանում բողոքի ակցիաներ են սկսվել. քաղաքացիները փակում են մի շարք փողոցներ

Երևանում առավոտից անհանգիստ է։ Քաղաքացիները փակել են Իսակովի, Բաղրամյանի, Արշակունյաց, Տիգրան Մեծի պողոտաները։ Ցուցարարների թվում է լրագրող Նաիրի Հոխիկյանը, որը համապատասխան տեսանյութը տեղադրել է «Ֆեյսբուք»-ի իր էջում:


Ցուցարարների նպատակն է կանխել «հակահայկական սահմանազատման ծրագիրը, այդ թվում պահանջել ստորագրության ներկայացված փաստաթղթերի հրապարակում, թույլ չտալ հակառակորդին միջանցք տրամադրել» եւ այլն:


Ոստիկանությունը պահանջում է դադարեցնել ակցիան եւ ցրվել։ Հաղորդվում է ակցիայի մասնակիցներից 18 մարդու բերման ենթարկելու մասին։



VERELQ-ը հիշեցնում է, որ նոյեմբերի 21-ին «Զարթոնք» ազգային-քրիստոնեական կուսակցության գործադիր մարմնի ղեկավար Արա Զոհրաբյանը տեղեկացրել է ազատագրական շարժման մեկնարկի մասին, որի նպատակն է կանխել հակահայկական սահմանազատման ծրագիրը, այդ թվում պահանջել ստորագրության ներկայացված փաստաթղթերի հրապարակում, թույլ չտալ հակառակորդին միջանցք տրամադրել, ՀՀ իշխանություններից պահանջել լիարժեք զինել առաջնագիծը և պաշտպանել Հայաստանի Հանրապետության տարածքային ամբողջականությունը:


Հայտարարվել է նաև, որ նոյեմբերի 22-ին, ժամը 17:00-ին Հանրապետության հրապարակում նախատեսված է ակցիա:


Ավելի վաղ Եվրոպական խորհրդի նախագահ Շառլ Միշելը հեռախոսազրույց էր ունեցել Հայաստանի եւ Ադրբեջանի ղեկավարների հետ՝ տարածաշրջանում ստեղծված իրավիճակի շուրջ: Արդյունքում, ըստ հաղորդագրության, Իլհամ Ալիևն ու Նիկոլ Փաշինյանը համաձայնել են հանդիպել Բրյուսելում ԵՄ Արևելյան գործընկերության գագաթնաժողովում, որը տեղի կունենա դեկտեմբերի 15-ին: