28.03.2024
Եվս 7 սփյուռքահայ մասնագետ աշխատանքի անցավ կառավարությունում
prev Նախորդ նորություն

Նորություններ գործընկերներից

Մայր Աթոռ Սուրբ Էջմիածինն Արցախի ժառանգությանը նվիրված ցուցահանդես է կազմակերպել

Մայր Աթոռի Արխիվը «Միջազգային կրոնական ազատություն և խաղաղություն» համաժողովի շրջանակներում, օրհնությամբ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի, կազմակերպել է արխիվային վավերագրերի և լուսանկարների ցուցահանդես (հեղինակ և համադրող Տ. Ասողիկ աբեղա Կարապետյան):


Այս գործում Մայր Աթոռի Արխիվին աջակցել է «Կոնրադ Ադենաուեր» հիմնադրամը: Ցուցահանդեսը ներկայացնում է Արցախի պատմամշակութային ժառանգությունը, 1933 թ. Թեմի կազմալուծումը, Խորհրդային տարիներին արցախյան, առհասարակ Ադրբեջանի ԽՍՀ-ի սահմանների մեջ հայտնված հայոց սրբավայրերի վիճակը,ինչպես նաև 1988 թ. Արցախյան շարժման արդյունքում Թեմի վերահաստատումը:


Ցուցահանդեսն անդրադառնում է նաև Տ.Տ. Վազգեն Ա., Տ.Տ. Գարեգին Ա. և Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսների գահակալության տարիներին Արցախի և ղարաբաղյան հարցի հետ նրանց առնչություններին, ձեռնարկներին: Հատկանշական են այն համատեղ հայտարարությունները, որոնք ստորագրվել են Հայոց Հայրապետների և Կովկասի մահմեդականների հոգևոր առաջնորդի կողմից՝ գործուն մասնակցությամբ Ռուս Ուղղափառ Եկեղեցու Պատրիարքների, համաշխարհային եկեղեցական կազմակերպությունների:


Առանձին ցուցավահանակներով ներկայացված է Դադիվանքը (որի անվտանգությունն ու պաշտպանությունն ստանձնել են ռուս խաղաղապահները) և Արցախի ոչնչացվող ու վտանգված սրբավայրերը:


Ցուցահանդեսի որոշ նյութեր Մայր Աթոռի Արխիվին տրամադրել են Հայաստանի ազգային արխիվը, Հայաստանի պատմության թանգարանը, անհատ գիտաշխատողներ:

Արցախյան հարցը չպետք է դառնա ներքաղաքական պայքարի առարկա. Վիգեն Խաչատրյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար