17.04.2025
ՀՀ կառավարությունը Սասուն Միքայելյանին պետք է վճարի 9 հազար եվրո փոխհատուցում
prev Նախորդ նորություն

Չարչյանի առողջական վիճակը վատ է. փաստաբանը միջնորդելու է նրան ազատ արձակել գրավով

ԱԺ "Հայաստան" խմբակցության պատգամավոր Արմեն Չարչյանը գտնվում է "Նորք-Մարաշ" բժշկական կենտրոնում: Այս մասին հայտնում է նրա փաստաբան Էրիկ Ալեքսանյանը՝ ներկայացնելով մանրամասներ։

"Պրոֆեսորը հետկրծոսկրային շրջանի սեղմող բնույթի ցավերի պատճառով 2021 թվականի օգոստոսի 24-ին տեղափոխվել է հիվանդանոց և նրա նկատմամբ կատարվել են բազմաթիվ բժշկական միջամտություններ։ Ավելին՝ հենց 24․08․2021 թվականին պրոֆեսորը տարել է սրտամկանի սուր ինֆարկտ, որը զարգացել է դեռ քրեակատարողական հիմնարկում։ Բացի այդ, Ա․Չարչյանի մոտ ախտորոշվել է նաև զարկերակային հիպերտոնիա III աստիճանի /կրիզային ընթացք/։ Սրտային անբավարարություն II ֆԴ։ Ծանր շաքարային դիաբետ տիպ 2՝ ինսուլին կախյալ։ Խրոնիկ երիկամային անբավարարություն։

Հարգելի հայրենակիցներ, ինչպես նկատեցիք ներկա պահին պրոֆեսորի առողջական վիճակը գտնվում է վատ վիճակում։ Այսօր ստացել եմ համապատասխան էպիկրիզը, որը մուտքագրելու եմ վաղը առավոտյան դատարան և ևս մեկ անգամ միջնորդելու եմ հրատապ դատական նիստ հրավիրելու և պրոֆեսորին գրավով ազատ արձակելու հարցը քննարկելու մասին, քանզի Ա․Չարչյանին նման պայմաններում կալանքի տակ պահելը չի բխում անձանական ազատության իրավունքի բուն էությունից և իր մեջ պարունակում է խոշտանգման տարրեր",- գրում է փաստաբանը Facebook-ի իր էջում։

ՀՀ-ն կողմ է ՀԱՊԿ շրջանակում աֆղանական հարցի վերաբերյալ ընդհանուր դիրքորոշման մշակմանը. ԱԳՆ
Հաջորդ նորություն next
 Տեղի կունենա հանդիպում՝ Հայաստանի, Վրաստանի, Ադրբեջանի ԱԳ փոխնախարարների մասնակցությամբ
17.04.2025
Տեղի կունենա հանդիպում՝ Հայաստանի, Վրաստանի, Ադրբեջանի ԱԳ փոխնախարարների մասնակցությամբ