28.03.2024
Գերմանիայի ԱԳ նախարարը այսօր կժամանի Հայաստան
prev Նախորդ նորություն

Նորություններ գործընկերներից

Օհանյան. Առավել վստահելի գործընկեր, քան Ռուսաստանն է, մենք չենք տեսնում

ՌԴ հետ ունեցած բոլոր պայմանավորվածությունները՝ տարածաշրջանային համատեղ խմբավորումների ձևավորման, ռազմական և ռազմատեխնիկական համագործակցության շրջանակներում իրականացվում են պատշաճ մակարդակով: Այս մասին այսօր լրագրողների հետ ճեպազրույցում ասել է ՀՀ Պաշտպանության նախարար Սեյրան Օհանյանը:

Անդրադառնալով հայ-ռուսական վարկային համաձայնագրին, որը վավերացվել է մեկ տարի առաջ և որով Հայաստանին ՌԴ-ն պետք է 200 մլն դոլարի վարկ տրամադրեր ռուսական արտադրության զենք գնելու համար, Սեյրան Օհանյանն ասաց, որ այն իրականացվում է ռազմատեխնիկական համագործակցության զարգացման շրջանակներում, և Հայաստանը ժամանակակից սպառազինություն ձեռք կբերի ՌԴ-ի և ՀԱՊԿ-ի շրջանակներում ներքին գներով ու կապ ունենա տարբեր կազմակերպությունների հետ:

«Միջպետական վարկի իրականացման բոլոր նախապատրաստական աշխատանքները կատարվել են: Պայմանագրերի 80 տոկոսը կնքվել են, նախապատրաստական աշխատանքների հիմքում գործընթացն առաջընթաց է արձանագրել և մոտ ժամանակներս այդ 20 տոկոսի պայմանագրերը կկնքվեն»,-ասաց նախարարը:

Ինչ վերաբերում է այս օրերին Ազգային Ժողովում քննարկվող հայ-ռուսական համաձայնագրին՝ միավորված ՀՕՊ համակարգի ձևավորման մասով, Օհանյանն ասաց, որ այդ համակարգի ձևավորումը թույլ է տալիս, որ կովկասյան տարածաշրջանում մեր օդային պաշտպանության խնդիրներում Հայաստանը կարողանա ներառել ռուսական ռազմաբազայի չորրորդ սերնդի բազմաֆունկցիոնալ կործանիչների, օդատիեզերական զորքերի բոլոր հնարավորությունները: Դրանք, ըստ պաշտպանության նախարարի, հնարավորություն կտան, որ լուրջ հետախուզական տվյալներն ընդհանուր տեղեկատվական դաշտում լինեն և կանխարգելեն բոլոր խախտումները, որ կիրականացվեն հակառակորդների կողմից: «Այս իմաստով առավել վստահելի գործընկեր, քան Ռուսաստանն է, մենք չենք տեսնում»,-շեշտեց նա:

Սեյրան Օհանյանի խոսքով, և՛ խաղաղ պայմաններում, և՛ պատերազմական ժամանակահատվածում Հայաստանում գոյություն ունեցող հակաօդային պաշտպանության ավիացիայի ուժերն ու միջոցները պլանավորվել ու պլանավորվելու և կիրառվելու են ՀՀ ԶՈՒ ղեկավարության և հատկապես ՀՕՊ և Ավիացիայի ղեկավարության կողմից.
«Վստահ եղեք դրանում»,-վստահեցրեց նախարարը:

Մամուլի տեսություն. ԱԱԾ-ում կադրային եւ կառուցվածքային փոփոխություններ են ընթանում
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար