Ադրբեջանում Չինաստանի դեսպանը չի խոսել «Զանգեզուրի միջանցքի» մասին

Ադրբեջանում Չինաստանի դեսպանը չի խոսել «Զանգեզուրի միջանցքի» մասին։ Այս մասին այսօր՝ հուլիսի 2-ին, հայտարարել է Հայաստանում Չինաստանի դեսպան ֆան Յունը։

«Չինական կողմը նման կարծիք չի հայտնել», - ասել է նա լրագրողներին:

Ավելին, Ֆան Յունը վստահեցրել է, որ վերոնշյալ իրավիճակն իրենք արդեն քննարկել են «ադրբեջանցի գործընկերների» հետ։

Միաժամանակ Պեկինը հույս է հայտնում, որ Հայաստանի եւ Ադրբեջանի միջեւ հակամարտությունը կարող է կարգավորվել բանակցությունների միջոցով, եւ պատրաստ է իր ներդրումն ունենալ խաղաղության պահպանման գործում:

Ինչի՞ մասին են գրել ադրբեջանական լրատվամիջոցները

Հուլիսի 1-ին տեղի է ունեցել Ադրբեջանի էկոնոմիկայի նախարար Միքայել Ջաբբարովի հանդիպումը Բաքվում Չինաստանի դեսպան Գուո Մինի հետ:

Ադրբեջանական լրատվամիջոցները հայտնել են, որ հանդիպման ընթացքում դեսպան Գուո Մինը ասել է. «Զանգեզուրի տրանսպորտային միջանցքը ներդրում կունենա Չինաստանի «Մեկ գոտի, մեկ ճանապարհ» տրանսպորտային նախագծում»: