Բաքուն UNESCO-ի հետ քննարկում է Աղդամում, Ֆիզուլիում և Շուշիում առաքելության կազմակերպումը

Ադրբեջանը եւ UNESCO-ն քննարկում են Լեռնային Ղարաբաղի Աղդամի եւ Ֆիզուլիի շրջաններում եւ Շուշի քաղաքում կազմակերպության առաքելության կազմակերպումը: Ինչպես հաղորդում է Interfax-ը, այս մասին հայտարարել է Ադրբեջանի ԱԳՆ մամուլի ծառայության ղեկավար Լեյլա Աբդուլաեւան:

Նրա խոսքով, վերջին ամիսներին Ադրբեջանի եւ UNESCO-ի միջեւ մի շարք հանդիպումներ են անցկացվել այդ հարցի շուրջ տեսակոնֆերանսի ձեւաչափով, վերջին հանդիպումը տեղի է ունեցել հունիսի 21-ին, որտեղ Ադրբեջանը «կրկին պատրաստակամություն է հայտնել ընդունելու UNESCO-ի առաքելությունը եւ կոչ է արել կազմակերպությանը արագացնել այդ գործընթացը»: