29.03.2024
Օբաման կայցելի Հերոսիմա, բայց ներողություն չի խնդրի Ճապոնիայից
prev Նախորդ նորություն

Նորություններ գործընկերներից

Քեմերոն. Թուրքիան 3000 թվականից շուտ չի դառնա ԵՄ անդամ

Թուրքիան 3000 թվականից շուտ չի դառնա Եվրամիության անդամ, եթե պահպանվեն 28 անդամ ունեցող այդ հանրակցությանը անդամակցելու բանակցությունների ներկայիս տեմպերը։ Այդ մասին հայտարարել է Մեծ Բրիտանիայի վարչապետ Դևիդ Քեմերոնը:

«Հեռանկարում ոչինչ չի խոսում այն մասին, որ Թուրքիան ԵՄ անդամ դառնա մոտ ժամանակներս, - ասել է նա ITV հեռուստաընկերությանը տված հարցազրույցում։- Նրանք հայտը ներկայացրել են 1987 թվականին։ Եվ առաջընթացի ներկայիս արագության պահպանման դեպքում, նրանք, հնարավոր է, միացման պահին կհասնեն մոտավորապես 3000 թվականին, եթե հավատանք ամենավերջին կանխատեսումներին»։

Մինչ այդ հայտնի է դարձել, որ Թուրքիայի նոր վարչապետ է ընտրվել Բինալի Յըլդըրըմը, ով միանգամից աջակցություն է հայտնել Էրդողանի նախագահական լիազորություններն ընդլայնելու օգտին: Թուրքիայի խորհրդարանը նաև քվեարկել է պատգամավորներին անձեռնմխելիությունից զրկելու օգտին: Փորձագետների կարծիքով, այդ նախագիծն ուղղված է քրդամետ պատգամավորների դեմ:

Այդ հայտարարությունից գրեթե անմիջապես հետո Թուրքիան սպառնացել է դադարեցնել Եվրամիության հետ բոլոր համաձայնագրերը, եթե Բրյուսելը շարունակի «երկակի չափանիշների» կիրառման քաղաքականությունը: Այս մասին հայտարարել է Թուրքիայի նախագահի խորհրդական Յիիթ Բուլութը, հայտնում է Reuters-ը:

Միևնույն ժամանակ Թուրքիայի նախագահ Ռեջեփ Թայիփ Էրդողանն այսօր հայտարարել է, որ իր երկիրն ընդունում է ավելի շատ փախստական, քան աշխարհի ցանկացած այլ պետություն, և կոչ է արել ԵՄ-ին կիսել այդ բեռը: «Անօրինական ներգաղթը վերահսկելու համար Եվրոպան և Թուրքիան պետք է միասին աշխատեն իրավական մեխանիզմների ստեղծման ուղղությամբ, ինչպիսին է 2016 թվականի մարտի համաձայնագիրը»,- ասել է Էրդողանը:

Անկարան և Բրյուսելը բանակցություններ են վարում մի շարք կարևոր հարցերի շուրջ, առավել կարևոր են Մաքսային միության հարցերը և փախստականների հարցով գործարքը:

Մարտի 18-ին Թուրքիա-ԵՄ գագաթնաժողովի ժամանակ համաձայնություն է ձեռք բերվել, համաձայն որի հուլիսի 1-ից պետք է վերացվեն Թուրքիայի քաղաքացիների համար դեպի ԵՄ մուտքի վիզաները: Սակայն մայիսի 11-ին հայտնի է դարձել, որ Եվրախորհրդարանը կդադարեցնի Թուրքիային առանց վիզայի ռեժիմ տրամադրելու ուղղությամբ աշխատանքները՝ մինչև Անկարան չկատարի ԵՄ պահանջները։
Արևմուտքը հակառուսական պատժամիջոցներով է Կիևին համոզում իրականացնել բարեփոխումներ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար