Արայիկ Հարությունյանն ու Սամվել Բաբայանը քննարկել են հնարավոր համագործակցության հարցեր

Արցախի նորընտիր նախագահ Արայիկ Հարությունյանն ու «Միասնական հայրենիք» կուսակցության նախագահ Սամվել Բաբայանը քաղաքական կոնսուլտացիաների շրջանակում այսօր հանդիպում են ունեցել:

Այս մասին ֆեյսբուքյան գրառմամբ տեղեկացրել է Սամվել Բաբայանը:

«Հանդիպման ընթացքում քննարկել ենք Արցախի զարգացման տեսլականը, քաղաքական երկու ուժերի կողմից ներկայացված ծրագրերի համատեղելիության հեռանկարը, հնարավոր ծրագրային համագործակցության այլ հարցեր: Նախատեսվում է քաղաքական խորհրդատվության ևս մեկ փուլ»,- գրել է Բաբայանը: