Միջադեպ Ալեն Սիմոնյանի ու Արթուր Դանիելանի միջև. կողմերը մեկը մյուսնին են մեղադրում

Ազգային ժողովի պատգամավոր Արման Բաբաջանյանը գրել է, որ հարձակման է ենթարկվել ԱԺ փոխնախագահ Ալեն Սիմոնյանը։

«Քիչ առաջ հարձակման է ենթարկվել ԱԺ փոխնախագահ Ալեն Սիմոնյանը։ Մեզ բոլորիս պետք է սթափվել, այսպես շարունակել չի կարելի։ Ալենի հետ հեռախոսազրույց եմ ունեցել։ Պատահարի մասին հայտնել եմ ոստիկանապետ Արման Սարգսյանին»,- գրել է Բաբաջանյանը։

Պատգամավորը չի մանրմասնել, թե ով է եղել ԱԺ փոխնախագահ Ալեն Սիմոնյանի վրա հարձակվողը:

Այնուհետև պարզ են դառնում միջադեպի մասին նոր հանգամանքներ: «Ադեկվատ» միաբանության անդամ Կոնստանտին Տեր-Նակալյանն իր ֆեյսբուքյան էջում պնդում է հակառակը, որ հարձակվողը եղել է Ալեն Սիմոնյանը, իսկ տուժողը նույն միաբանության անդամ Արթուր Դանիելյանը:

«Ալեն Սիմոնյանը հարձակվել է փողոցում զբոսնող Արթուր Դանիելյանի վրա», - ասված է Տեր-Նակալյանի գրառման մեջ, որի հետ նա տեղադրել է Արթուր Դանիելյանի արյունոտ դեմքով լուսանկարը: