Հայաստանում կորոնավիրուսով հիվանդ 8 քաղաքացու վիճակը ծայրահեղ ծանր է. նախարար

Այս պահին Հայաստանում կորոնավիրուսով վարակված քաղաքացիների մեծ մասը ջերմություն չունի։ 146 հոգի ունի թոքաբորբ, մոտ 35 հոգի ծանր վիճակում է, իսկ պացիենտներից 8-ը՝ ծայրահեղ ծանր վիճակում են։ Այս մասին Facebook-ի ուղիղ եթերում հայտարարեց ՀՀ Առողջապահության նախարար Արսեն Թորոսյանը:

Նա նշեց, որ այս վիճակագրությունը բոլորիս պետք է խորհելու տեղիք տա, որպեսզի ազգովի շարունակենք ծրագրերը պահպանելու այդ թիվը և ավելի ցածր ցուցանիշներ արձանագրենք:

Հայաստանում այսօր կորոնավիրուսի վարակման նոր 11 դեպք էր արձանագրվել: Արսեն Թորոսյանն ասաց, որ համեմատաբար հանգիստ դինամիկան պետք է պահպանել, իսկ դրա համար հարկավոր է հետևել պարետի ցուցումներին և մնալ տանը։

«Մեկուսացման վայրերում են գտնվում 1500 քաղաքացի, իսկ ինքնամեկուսացման մեջ է 5 հազար քաղաքացի՝ հատուկ ցուցումով։ Մեկուսացված քաղաքացիներից 400-ը կրկնակի թեստավորվել եւ դուրս են գրվել»,- թվարկեց նախարարը։

Բացի այս, նա տեղեկացրեց, որ 1400 մահճակալային ֆոնդ միայն կորոնավիրուսի պացիենտների համար է առանձնացված:

VERELQ-ը հիշեցնում է, որ Հայաստանում ապրիլի 6-ի դրությամն հաստատվել է կորոնավիրուսով վարակման 833 դեպք: