28.03.2024
Վրաստանը 1.5 միլիոն դոլար կվճարի ԱՄՆ-ում լոբբիստներին
prev Նախորդ նորություն

Նորություններ գործընկերներից

Ձեռնպահ մնացեք ՀՀ հասարակական քննարկումների անհարկի ուղղորդումից. ԱԳՆ կոշտ պատասխանը ԵՄ-ին

Հայաստանի ԱԳՆ-ն բավականին կոշտ է արձագանքել Երևանում հավատարմագրված Եվրամիության երկրների դիվանագիտական ներկայացուցչությունների անունից՝ օրերս ՀՀ Ազգային Ժողովում մարդու իրավունքներին նվիրված քննարկումների ժամանակ տեղի ունեցած միջադեպի վերաբերյալ հայտարարությանը։


ՀՀ կառավարությունն ամբողջովին հավատարիմ է մարդու իրավունքների պաշտպանության եւ խրախուսման իր պարտավորություններին։ Հայաստանում տեղի ունեցած ոչ բռնի ժողովրդավարական հեղափոխությունը լավագույնս փաստում է, որ մարդու իրավունքները, որպես կանոն, արդյունավետորեն գործում են, եթե մաս են դառնում հասարակական կոնսենսուսի եւ ընկալվում են, որպես համընդհանուր հասարակական եւ բարոյական արժեքներ։


Այս մասին ասված է ՀՀ ԱԳՆ պաշտոնական հաղորդագրության մեջ՝ ի պատասխան միջազգային կառույցների:


«Ուստի, այս համատեքստում մեր միջազգային գործընկերները պետք է առավել հարգանք եւ զգայունություն ցուցաբերեն հայկական հասարակության հանդեպ եւ ձեռնպահ մնան հասարակական քննարկումների անհարկի ուղղորդումից, եթե անգամ նրանք համաձայն չեն դրանց տոնայնության հետ։


Կուզենայինք հիշեցնել, որ հասարակական բարոյականության սկզբունքը մաս է կազմում մարդու իրավունքների միջազգային պարտավորություններին, եւ դրանք չեն կարող անտեսվել։


Իր հերթին, ՀՀ իշխանությունները չեն հանդուրժելու որեւէ անօրինական գործողություն եւ շարունակելու են պաշտպանել բոլոր քաղաքացիների սահմանադրական իրավունքները»,-ասված է հայտարարությունում:


Ավելի վաղ հայտնել էիք, որ Հայաստանում Եվրոպական միության պատվիրակությունը եւ Հայաստանում հավատարմագրված ԵՄ անդամ պետությունների դեսպանությունները հանդես են եկել հայտարարությամբ՝ անդրադառնալով ԱԺ-ում լսումների ժամանակ տրանսգենդերի ելույթին եւ դրա շուրջ զարգացումներին:


Հայտարարության մեջ, մասնավորապես, նշվում էր. Ատելության խոսքը, այդ թվում մահվան սպառնալիքներն ուղղված Լիլիթ Մարտիրոսյանին, նրա գործընկերներին եւ ամբողջ ԼԳԲՏԻ համայնքին հանդիսանում են այդ անհանգստացնող միտումների ամենաթարմ դրսեւորումը եւ հանդիսանում են խտրականություն, որն արգելվում է Մարդու իրավունքների եւ հիմնարար ազատությունների պաշտպանության մասին Եվրոպական կոնվենցիայի դրույթներով, որին Հայաստանը մասնակից է, որը նաեւ արտացոլված է ՀՀ Սահմանադրության մեջ»:


Նշենք, որ նմանատիպ հայտարարությամբ է հանդես եկել նաեւ ՄԱԿ-ի հայաստանյան գրասենյակը՝ նշելով, որ մտահոգված է ԼԳԲՏԻ ակտիվիստների նկատմամբ բռնության սպառնալիքների դեպքերով:


 

Ադրբեջանը 100 միլիոն դոլարի նավթ կմատակարարի Պակիստանին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար