Այաթոլա Խամենեին հավանություն է տվել "վեցնյակի" հետ միջուկային գործարքին

Իրանի գերագույն առաջնորդ, այաթոլա Ալի Խամենեին հավանության է արժանացրել վեցնյակի հետ միջուկային գործարքին: Այդ մասին նշված է Խամենեի գրավոր դիմումի մեջ՝ուղղված երկրի նախագահ Հասան Ռոհանիին:

Նրա անձնական կայքում հրապարակված փաստաթղթում նշվում է, որ Խամենեին հավանության է արժանացրել վեցնյակի հետ միջուկային գործարքի իրականցումւը մի շարք պայմանների կատարման դեպքում: Մասնավորապես, գերագույն առաջնորդը հայտարարել է, որ ԵՄ-ը և ԱՄՆ-ը պետք է հստակորեն խոստանան, որ Իրանի վրա դրված պատժամիջոցները կչեղարկվեն: Նրա խոսքով, Իրանը պետք է դադարեցնի գործարքի պայմանների կատարումը, եթե երկրի վրա որևէ պատժամիջոցներ կիրառվեն, փոխանցում է Reuters-ը:

Խամենեի հայտարարության մեջ նաև նշվում է, որ բանակցությունների ընթացքում Վաշինգտոնի կողմից Իրանի նկատմամբ թշնամանք էր նկատվում: Բացի այդ, ԱՄՆ-ի կողմից Իրանում սադրիչներին աջակցությունը հերքում է, ըստ Խամենեի, այն պնդումները, թե նրանք չեն ցանկանում տապալել իրանական հոգևոր իսթեբլիշմենտը:

Հիշեցնենք, որ հոկտեմբերի 18-ին Բարաք Օբաման փաստաթուղթ էր ստորագրել, որը նախատեսում է Իրանի նկատմամբ պատժամիջոցների չեղարկում: Ամերիկյան նախագահի հրամանը չի սահմանում պատժամիջոցների չեղարկման որևէ ժամկետներ, փոխանցում է rbc-ն: Վաշինգտոնը բազմիցս հայտարարել է, որ իրական գործողություններն իրականացվելու են այն ժամանակ, երբ ՄԱԳԱՏԷ-ն հաստատնի Թեհրանի կողմից ստանձնված պարտավորությունների կատարումը: Իրանի դեմ պատժամիջոցների չեղարկման մասին մինչ այդ հայտարարել էր ԵՄ-ը: