29.03.2024
Ռուսաստանի նախագահ Վլադիմիր Պուտինի հետ փոխվստահության մթնոլորտ է ձևավորվել. Փաշինյան
prev Նախորդ նորություն

Նորություններ գործընկերներից

Հայաստանում խորը փոխակերպում է ընթանում՝ հաշվի առնելով ԵԱՏՄ ինտեգրացիոն ներուժը. Փաշինյան

Հայաստանում քաղաքական ու տնտեսական համակարգի խորը փոխակերպում է ընթանում և ակնհայտ է, որ այդ համակարգերը որոշվում են՝ հաշվի առնելով ԵԱՏՄ ինտեգրացիոն ներուժը: Այս մասին այսօր Երևանում մեկնարկած «Եվրասիական շաբաթ» միջազգային համաժողովի բացմանն ասաց ՀՀ վարչապետի պաշտոնակատար Նիկոլ Փաշինյանը:


«Այս համաժողովը կարող է լավ հարթակ լինել այդ ինտեգրացիոն գործընթացի միջանկյալ արդյունքների ամփոփման համար: Հատկապես՝ ԵԱՏՄ խորհդրի նախագահությունը Հայաստանին փոխանցելուն ընդառաջ: Հայաստանն արդեն սկսել է քննարկել այն հարցերը, որոնք որպես առաջնահերթություն պատրաստվում է ներկայացնել իր նախագահության ընթացքում», - ասաց Նիկոլ Փաշինյանը:


Նա հույս հայտնեց, որ համաժողովը նոր տնտեսական կապերի ճանապարհ կհարթի: Փաշինյանը նշեց, որ համաժողովին մասնակցում է ավելի քան 300 հայկական ընկերություն, որոնք պատրաստ են ԵԱՏՄ գործընկերների հետ երկարաժամկետ համագործակցության:  


Ինչ վերաբերում է ԵԱՏՄ-ին, ապա նա հիշեցրեց, որ այս տարի ԵԱՏՄ անդամ երկրներն ու Իրանը ստորագրել են ժամանակավոր համաձայնագիր՝ որպես առաջին քայլ Իրանի հետ ազատ տնտեսական գոտի ձևավորելու համար: Իսկ Հայաստանը ԵԱՏՄ անդամ միակ երկիրն է, որն Իրանի հետ ընդհանուր ցամաքային սահման ունի: Ընդհանուր սահմանի առկայությունն ու Մեղրիում ազատ տնտեսական գոտու առկայությունը ստեղծում են լրացուցիչ ազդակներ, ըստ բանախոսի, առևտրատնտեսական կապերի զարգացման համար.


«Մենք կարող ենք գործող հարթակ դառնալ Իրանի ու ԵԱՏՄ անդամ երկրների միջև վստահելի առրտրատնտեսական կապերի հաստատման համար»,- ասաց նա:


Վարչապետի պաշտոնակատարը նաև նշեց, որ Հայաստանը կարևոր է համարում, որ ԵԱՏՄ-ն շարունակի բանակցությունները ազատ առևտրի վերաբերյալ պայմանագրերի կնքման ուղղությամբ այն երկրների հետ, որոնք միտված են համագործակցության միության բոլոր անդամ երկրների հետ: Օրինակ, Հայաստանը պատրաստ է ակտիվ ներգրավվել ԵԱՏՄ-Եգիպտոս բանակցություններին:


Նիկոլ Փաշինյանի խոսքով, Հայաստանը ԵԱՏՄ անդամ երկրների հետ առևտրի տեմպի կայուն աճ ունի և այդ են վկայում թվերը: Մասնավորապես, ՀՀ-ից ԵԱՏՄ անդամ երկրներ արտահանման ծավալը 2018թ. հունվար-հունիս ամիսներին նախորդ տարվա նույն ժամանակահատվածի համեմատ աճել է 31,3 տոկոսով՝ կազմելով 351,9 մլն դոլար.


«Աճը ձևավորվել է ԵԱՏՄ անդամ գրեթե բոլոր երկրների շուկաների շնորհիվ», - հավելեց նա:  


Նշենք, որ ԵԱՏՄ խոշորագույն ամենամյա գործարար միջոցառմանը՝ «Եվրասիական շաբաթ» ցուցահանդեսային համաժողովին, որն այսօր մեկնարկել է Երևանում, կմասնակցեն ԵԱՏՄ-ից շուրջ 2500 և երրորդ երկրներից շուրջ 250 ընկերություններ:  Համաժողովի շրջանակում տեղի կունենա նաեւ ցուցահանդես, որի ընթացքում Հայաստանի, Ռուսաստանի, Ղազախստանի, Բելառուսի, Ղրղզստանի ընկերությունները կներկայացնեն իրենց արտադրանքն ու ծառայությունները։


Բացմանը մասնակցեցին ՀՀ վարչապետի պաշտոնակատար Նիկոլ Փաշինյանը, Եվրասիական տնտեսական հանձնաժողովի կոլեգիայի նախագահ Տիգրան Սարգսյանը, ՌԴ-ի ֆինանսների նախարար Անտոն Սիլուանովը և պաշտոնատար այլ անձիք:

ՏԻՄ ընտրությունները` խորհրդարանական ընտրություններին ընդառաջ ուժի ցուցադրություն
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար