29.03.2024
Վրաստանի խաղաղության ինդեքսը վատթարացել է
prev Նախորդ նորություն

Նորություններ գործընկերներից

Եթե Ադրբեջանը ցանկություն հայտնի անդամակցել ԵԱՏՄ-ին՝ ՀՀ-ն միանշանակ դեմ կլինի. ԱԳՆ

Ռուսական Կոմերսանտի հետ հարցազրույցում ՀՀ արտաքին գործերի նախարար Զոհրաբ Մնացականյանն անդրադարձել է Ադրբեջանի հետաքրքրությանը Եվրասիական տնտեսական միության հանդեպ:


Պատասխանելով հարցին, թե ինչպիսին կլինի Երևանի  դիրքորոշումը, եթե Ադրբեջանը որոշում կայացնի ավելի սերտացնել հարաբերությունները ԵԱՏՄ հետ և շարժվել դեպի միության, Մնացականյանը նշել է.


«Ադրբեջանն այն պետությունն է, որը շրջափակում է Հայաստանը: Միակողմանի միջոցներ է ձեռնարկում Հայաստանի դեմ: Բաքուն վարում է մի քաղաքականություն, որը միտված է նրան, որպեսզի խոչընդոտվեն բոլոր փոխգործակցության գործընթացները, վստահության մթնոլորտի ձևավորումը և մարդկային շփումները: Մենք գործ ունենք մի պետության հետ, որը ջանքեր չի խնայում խրախուսելու ատելության մթնոլորտը: Տեսեք, թե ինչպիսի հռետորաբանություն է օգտագործում Բաքուն Հայաստանի և ամբողջ աշխարհի հայության դեմ: ԵԱՏՄ-ն դա համագործակցության կազմակերպություն է, ի՞նչ եք մեզանից սպասում»:


Ճշտող հարցին՝ այս պատասխանից կարելի՞ է ձևակերպել Հայաստանի դիրքորոշումը, որպես դեմ, եթե Ադրբեջանը ցանկանա անդամակցել ԵԱՏՄ-ին, ԱԳ նախարարը դրական պատասխան է տվել.


«Դուք ձևակերպեցիք Հայաստանի դիրքորոշումը: Հայաստանը չի կարող հաշվի չնստել իրողությունների հետ, մենք չենք կարող դրանք հաշվի չառնել համագործակցության վերաբերող հարցերի քննարկման ժամանակ: Իսկ իրողություններն այնպիսին են, որ մենք ունենք իրավիճակ, երբ միանշանակ մերժվում է ամեն տիպի համագործակցությունը: Այդ թվում նաև մարդկային շփումները, էլ չեմ ասում տնտեսական համագործակցության մասին: Եվ ինչի՞ մասին ենք խոսում, ունենալ մի դիտորդ, որն արհամարհում է պետություններից մեկի՞ն: Որը կարծում է, որ այդ պետության հետ պետք չէ նույնիսկ խոսե՞լ»,- հավելել է Զոհրաբ Մնացականյանը:

Էլեկտրաէներգիայի սակագինը կնվազի 10 դրամով՝ միայն անապահովների համար. նախարար
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար