Մենք ԱԺ-ում մեծամասնություն ենք և որոշում կկայացնենք մեր թեկնածուի շուրջ. Բաղդասարյան

Այսօր երեկոյան կամ վաղը Հանրապետական կուսակցությունը հանդես կգա իր դիրքորոշման մասին հայտարարությամբ: Այս մասին ԱԺ-ում լրագրողներին ասաց ՀՀԿ խմբակցության ղեկավար Վահրամ Բաղդասարյանը:

Բղդասարյանը նշեց, որ Կարեն Կարապետյանը վարչապետի պաշտոնակատարն է և կատարում է իր պարտականությունները: Իսկ մնացյալի մասով.

«Մենք ԱԺ-ում մեծամասնություն ենք և որոշում կկայացնենք մեր թեկնածուի շուրջ: Հանրապետականը միասնական է և իր կարծիքը կարտահայտի»,- ասաց նա:

Վահրամ Բաղդասարյանը նշեց, որ Սերժ Սարգսյանը գործընթացներին այլևս չի մասնակցում:

Ինչ վերաբերում է հարցին, թե հնարավոր է համարում, որ Կարեն Կարապետյանը լինի վարչապետ, Վահրամ Բաղդասրայանն ասաց, որ դեռ կխոսեն դրա մասին: Նա նշեց, որ այդ ամենը քննարկելիք հարց է, բայց իրենք այսօր պայքարում են մեր պետության կանոնակարգված առաջընթացի համար:

Անդրադառնալով Փաշինյան-Կարապետյան բանակցությունների չկայանալուն, ՀՀԿ խմբակցության ղեկավարը նշեց.

«Բանակցությունների միշտ պատրաստ ենք», - հավելեց նա: