«Ո՛չ թալանին» նախաձեռնությունը լքում է առաջնորդերից մեկը

Վաղինակ Շուշանյանը լքում է «Ո՛չ թալանին» քաղաքացիական նախաձեռնության շարքերը, բայց խոստանում է աջակցել իր ընկերներին և պայքարել նրանց հետ:

«Ժողովուրդ ջան, անձնական խնդիրների ու աշխատանքային ծանրաբեռնվածության պատճառով ստիպված եմ դուրս գալ Ոչ թալանին նախաձեռնությունից»,- իր ֆեյսբուքյան էջում գրել է նախաձեռնող խմբի անդամ Վաղինակ Շուշանյանը, հավելելով. «Սա դեռ չի նշանակում, որ ես թողնում եմ պայքարը, ընդհակառակը ես շարունակելու եմ ու ցանկացած պահի պատրաստ եմ դուրս գալ փողոց: Մնալու եմ ընկերներիս կողքին ու թիմից դուրս պատրաստ եմ հնարավորինս աջակցել իրենց»:

Օրերս Վաղինակ Շուշանյանի մասին համացանցում լուրեր տարածվեցին, թե, իբր,նա ԱԱԾ կապիտան է: Զուգահեռաբար հայտարարվեց նաև, որ Վաղինակն աշխատանքի է անցել մի սրճարանում`որպես մատուցող: