Հայտնի դերասան Սթիվեն Սիգալը ապրիլի 22-ին կժամանի Հայաստան, ապա կմեկնի Արցախ. մամուլ

Ապրիլի 22-ին Հայաստան է գալու ամերիկացի հայտնի կինոդերասան, այկիդոյի վարպետ, երաժիշտ Սթիվեն Սիգալը, ով ապրիլի 24-ին կգնա Ծիծեռնակաբերդ եւ հարգանքի տուրք կմատուցի Հայոց ցեղասպանության անմեղ զոհերին։

Այս մասին գրում է «Հրապարակ» օրաթերթի hraparak.am կայքը: Նշվում է, որ հաջորդ օրը նա կայցելի նաեւ Արցախ։ Ամերիկացի հայտնի կինոդերասանը Հայաստան կգա հոլիվուդյան հայազգի պրոդյուսեր Ստեփան Մարտիրոսյանի անձնական հրավերով։ Ինչպես մեզ հայտնի դարձավ՝ այս պահի դրությամբ այլ այցեր եւ հանդիպումներ նախատեսված չեն, ամենայն հավանականությամբ, Սիգալն իր հայաստանյան այցի ժամանակ կհանդիպի լրագրողներին եւ անձամբ կպատմի իր այցի նպատակների մասին։

Մանրամասները՝ սկզբնաղբյուր կայքում: