Մեդվեդևը շնորհավորել է Սերժ Սարգսյանին վարչապետի պաշոտնը ստանձնելու կապակցությամբ

ՌԴ կառավարության ղեկավար Դմիտրի Մեդվեդևը շնորհավորել է Սերժ Սարգսյանին վարչապետի պաշոտնը ստանձնելու կապակցությամբ, հայտնում է ՌԴ կառավարության մամուլի ծառայությունը:

Նա վստահ է, որ նոր պաշտոնում Սարգսյանը կշարունակի առաջնային ուշադրություն դարձնել երկու երկրների գործակցության սերտացմանը:

«Առանձնակի կցանկանայի նշել Ձեր անձնական ավանդը հայ-ռուսական բարեկամական, գործընկերային և դաշնակցային հարաբերությունների զարգացման գործում: Համոզված եմ, որ նոր պաշտոնում Դուք կշարունակեք առաջնային ուշադրություն դարձնել երկկողմ համագործակցության համակողմանի սերտացմանը, նպաստել տարբեր ոլորտներում համատեղ հեռանկարային նախագծերի և նախաձեռնությունների առաջխաղացմանը, Եվրասիական տնտեսական միության շրջանակում ինտեգրացիոն համագործակցության խորացմանը: Դա բխում է Ռուսաստանի և Հայաստանի շահերից», - ասվում է Մեդվեդևի շնորհավորական ուղերձում: