Փորձագետ. Անհրաժեշտ է ամրապնդել Ադրբեջան-Թուրքիա-Վրաստան ռազմական համագործակցությունը

Թուրքական Գիրեսուն քաղաքում կայացել է Վրաստանի, Թուրքիայի ու Ադրբեջանի պաշտպանության նախարարների հանդիպումը, որի արդյունքներով ստորագրվել է համագործակցության հուշագիր։

Ռազմական փորձագետ Ամիրան Սալուկվաձեն հայտարարել է, որ Ադրբեջանի, Թուրքիայի ու Վրաստանի համագործակցությունը շատ կարևոր է։ Անհրաժեշտ է էլ ավելի ամրապնդել այդ համագործակցությունն ու այն դարձնել ավելի ակտիվ։

Ըստ նրա, այդ համագործակցությունը Վրաստանի համար ոչ միայն տրանսպորտային միջանցք է, այլ նաև կայունության ու խաղաղության երաշխավորություն։

Ըստ նրա, վերջին տարիներին երեք երկրների ռազմական կապերն ամրապնդվում են`անցկացվում են համատեղ զորավարժություններ, այդ թվում Վրաստանի տարածքում։