Սահմանազատման հաջորդ փուլի մասին տեղեկատվություն դեռևս չկա. Ալեն Սիմոնյան

Սահմանազատման արդյունքում հայկական կողմը վերցնում է այն, ինչ իրենն է ու Ադրբեջանին տալիս է այն, ինչ իրենցն է։  Իշխանությունը չի նախատեսում սահմանափակվել միայն Կիրանցի հատվածով, պետք է անցնել ամբողջ սահմանով։ Այս մասին լրագրողների հետ ճեպազրույցում ասաց ԱԺ նախագահ Ալեն Սիմոնյանը:

Նրա խոսքով, այս պահին պարզ չէ, թե որ հատվածում է իրականացվելու Ադրբեջանի հետ սահմանազատման հաջորդ փուլը:

Նա բացառեց, որ հնարավոր է վերանայվի Կիրանցի այն երկու տան հարցը, որոնք սահմանազատման արդյունքում մնալու են Ադրբեջանին, քանի որ, իր կարծիքով, իրավական առումով դա սխալ կլինի։