Փաշինյանը կարողանում է պահել իշխանությունը շնորհիվ նախկինների հանդեպ ատելության. Ղուկասյան

Նիկոլ Փաշինյանը կարողանում է պահել իր իշխանությունը շնորհիվ նախկինների հանդեպ ատելության, որը դեռևս շատ ուժեղ է մարդկանց մոտ։ Այս մասին գրում է քաղաքագետ Արման Ղուկասյանը:

"Թալանե՞լ են նախկինները այս երկիրը։ Իհարկե, այո, բայց դա չի արդարացնում Փաշինյանի տապալումները։ Անհրաժեշտ է դուրս գալ այս նախկին-ներկա բազառներից ու շարժվել առաջ և հենց այդ ժամանակ Փաշինյանի իշխանությունը կավարտվի։

Նախկինը ու ներկան թող իրենց հարցերը լուծեն, իսկ մեզ պետք է կառուցել ապագան:

Հեղափոխություն լինում է այն ժամանակ, երբ գործող համակարգը հիմքից փոխվում է։ Հիմա ունենք շինծու կապիտալիզմ, որը պետք է հիմքից փոխվի և դառնա համակարգ, որը կծառայի յուրաքանչյուր հասարակ քաղաքացու, այլ ոչ թե հարուստներին ու իշխանավորներին, որի արդյունքում հարուստը հարստանալու է, իսկ աղքատը աղքատանալու։ Հենց նման օրակարգով ուժեր պետք է ձգտեն իշխանության, այլապես մի խումբ հարուստներ ձգտում են նորից հետ գան ու իրանց փողերը պահեն ու շատացնեն",- գրել է Ղուկասյանը: