29.03.2024
Վրաստանի Սահմանադրական դատարանը թույլատրել է մարիխուաննա ծխել
prev Նախորդ նորություն

Նորություններ գործընկերներից

Էրդողանի հետքերով. Չավուշօղլուն կարծում է, որ Ասադը տեղ չունի Սիրիայի ապագայում

Թուրքիան երբեւէ չի համակերպվի այն մտքի հետ, որ Բաշար Ասադը մնա Սիրիայում իշխանության: Այս մասին հայտարարել է Թուրքիայի արտգործնախարար Մեւլութ Չավուշօղլուն, հայտնում է «Անադոլու» գործակալությունը:

Նա մեղադրել է Ասադին 600 հազար սիրիացիների սպանության մեջ: «Կարելի է արդյոք համակերպվե՞լ, որպեսզի 600 հազար սիրիացիների սպանության մեջ մեղավոր մարդը մնա իշխանության», - ասել է Չավուշօղլուն՝ հավելելով, որ Ասադն ունակ չէ միավորել Սիրիան եւ նա տեղ չունի այդ երկրի ապագայում:

«Սիրիայի ապագա կառուցվածքը պետք է ընդունելի լինի իր ողջ բնակչության համար», - ասել է Թուրքիայի ԱԳՆ ղեկավարը, եւ հավելել, որ Անկարան աջակցում է Սիրիայի տարածքային ամբողջականությանը: Նրա խոսքով, Անկարան մեծ ջանքեր է ներդնում խաղաղ բնակիչներին Հալեպից տարհանելու համար:

Հատկանշական է, որ շաբաթներ առաջ Թուրքիայի նախագահ Ռեջեփ Էրդողանը հայտարարել էր, որ Անկարայի նախաձեռնած «Եփրատի վահան» ռազմական գործողության նպատակը Բաշար Ասադի կառավարության տապալումն է: Նա մասնավորապես նշել է, որ Թուրքիան ուզում է Սիրիան վերադարձնել իր իսկական տերերին՝ վերջ դնելով Ասադի բռնապետությանը:

Այնուհետեւ պաշտոնական Մոսկվան, որ աջակցում է Սիրիայի նախագահ Բաշար Ասադին, Էրդողանի հայտարարության վերաբերյալ Անկարայից բացատրություններ պահանջեց: ՌԴ նախագահ Վլադիմիր Պուտինի հետ հեռախոսազրույցից հետո Էրդողանը փոխեց իր հայտարարությունը: Նա նշեց, որ «Եփրատի վահան» ռազմական գործողության նպատակը ոչ թե կոնկրետ անձ է, այլ ահաբեկչության դեմ պայքարը:
Թուրքիան և Ռուսաստանը կարող են վստահել միմյանց. Չավուշօղլու
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար