Գագիկ Մելքոնյանն արդեն «բացահայտել» է 44-օրյայի պարտության «մեղավորներին». Սուրենյանց

44-օրյա պատերազմի հանգամանքները ուսումնասիրող Քննիչ հանձնաժողովի զեկույցը դեռ պատրաստ չէ, բայց դրա անդամ Գագիկ Մելքոնյանն արդեն «բացահայտել» է պարտության «մեղավորներին»՝ զինվորականություն, հետախուզություն և ռուսական սպառազինություն:

Այս մասին Տելեգրամի իր ալիքում գրել է քաղաքագետ Սուրեն Սուրենյանցը:

"Դե, այս ընթացքը վաղուց էր կանխատեսելի. Փաշինյանը այս «մեղավորներին» արդեն «նշանակել» էր, Անդրանիկ Քոչարյանն ու մյուսներն ընդամենը նոտարի «կնիք» են",- գրել է Սուրենյանցը:

Հիշեցնենք, խորհրդարանական հանձնաժողովը ստեղծվել է պատերազմից մոտ մեկուկես տարի անց։ Քննությունն իրականացնում են միայն իշխանական պատգամավորները։ Ընդդիմությունը հենց սկզբից բոյկոտել է նիստերը։