Նստացույց եք անում, գոնե Բրիտանիայի, ԱՄՆ և ԵՄ դեսպանատների առաջ դա արեք. քաղաքագետ

Նստացույց եք անում, գոնե Բրիտանիայի, ԱՄՆ և ԵՄ դեսպանատների առաջ դա արեք: Այս մասին գրում է քաղաքագետ Ստեփան Դանիելյանը՝ նկատելով, որ մեծ քաղաքականության մեջ էմոցիաներ ու խիղճ չկա, այլ կան շահեր ու Ալիևը Արևմուտքի աջակցությամբ է Արցախի շրջափակումը կազմակերպել, ԵՄ ներկայացուցիչն էլ Խանքենդի անվանումն է օգտագործում, ու Աղդամից են ուզում ճանապարհ բացել, Հայաստանում իրենց գործակալին էլ Պրահայում ճանաչել տվեցին Ադրբեջանի տարածքայն ամբողջականությունը, սակայն այստեղ կա մի նրբություն:

"Արևմուտքը հանդես է գալիս արժեքներից, դեմոկրատիայի ու ավտորիտարիզի ջրբաժանից, գոնե այդ կեղծիքը կբացահայտենք ու պատասխանատվությունն իրենց վրա կլինի: Մեր ժողովրդի համար էլ, ապագայում դաս կլինի, որ միջազգային հարաբերություններում այդ արժեքները սուտ են:

Հիշենք, որ երբ Արցախն ասում էր, որ յոթ շրջաններն անվտանգության գոտի են, Արևմուտքից ասում էին, որ չկա նման վտանգ, ասում էին, որ չեն ընդունում ուժի միջոցով խնդրի լուծումը:

Լավ էլ ընդունում են, երբ շահ են ունենում",- գրել է Դանիելյանը: