Ընտրություններն ԱՄՆ–ում. Թրամփի ու Քլինթոնի պայքարում հաղթել են ԶԼՄ–ները

ԱՄՆ–ում այսօր մեկնարկել են նախագահական ընտրությունները։ Ավանդույթի համաձայն առաջին երեք ընտրատեղամասերը բացվել են Նյու–Հեմփշիր նահանգի երեք ընտրատեղամասերում`Դեքսվիլ–Նոչ, Հարթս–Լոքշեյին ու Միլլսֆիլդ, որոնց բնակչությունը կազմում է մի քանի տասնյակ մարդ, փոխանցում է DW-ն:

Թեկնածուներից ում շանսերն են ավելի բարձր

Նախագահական ընտրությունների նախօրեին հասարակական կարծիքի համազգային հարցման համաձայն Հիլարի Քլինթոնը սկսել էր աստիճանաբար առաջ անցնել Դոնալդ Թրափմից։ Չի կարելի ասել, որ դա անսպասելի էր։Կես տարվա հարցումները ցույց են տվել, որ Թրամփի կողմից Քլինթոնին շրջանցելու պահին սկսում է հակառակ գործընթացը, փոխանցում է “Բի-Բի-Սի”-ն:
Ամերիկյան ԶԼՄ–ների փոխանցմամբ, այսպես են գնահատվում թեկնածուների շանսերը.

New York Times Upshot: Քլինթոնի հաղթելու շանսերը կազմում են 84%

FiveThirtyEight: Քլինթոնը կհաղթի 65% հավանականությամբ

HuffPost: Քլինթոնը կդառնա նախագահ`հավանականությունը 98%

Վերջին հարցումները ցույց են տվել, որ գոյություն ունեն տատանվող նահանգներ, որոնց քվեարկությունը կարող է հաղթանակ բերել Դոնալդ Թրամփին։

Հաղթել են ամերիկյան ԶԼՄ–ները

Ամերիկյան ԶԼՄ–ները կարող են տխրել, քանի որ Թրամփի ու Քլինթոնի շոուները մոտեցել են ավարտին։ Մինչ այդ, նրանց միջև բանավեճերը բարձր վարկանիշներ էին ապահովում թե հեռուստաընկերություններին, թե էլեկտրոնային կայքերին։

III–րդ եռամսյակում CNN–ը ունեցել է վերջին ութ տարվա ընթացքում ամենաբարձր ցուցանիշները։ ԱՄՆ–ի խոշորագույն Fox News հեռուստաընկերությունը նույնպես սպասում է լսարանի նվազում, չնայած այն այնքան էլ մեծ չի լինի` CNN–ի համեմատությամբ։