Գազի բարձր գինը չի բխում Ռուսաստանի շահերից. Նովակ

Գազի բարձր գները չեն բխում Ռուսաստանի շահերից, հայտարարել է ՌԴ փոխվարչապետ Ալեքսանդր Նովակը թուրքական «Անադոլու» գործակալությանը տված հարցազրույցում։

«Մենք չենք ցանկանում գազի բարձր գներ, եթե դրանք բարձր լինեն, ապա կարող են արագացնել այլընտրանքային և վերականգնվող էներգիայի աղբյուրների ձեռքբերման ջանքերը»,- ասել է Նովակը։

Նա նշել է, որ գազի թանկացման հետ կապված իրավիճակն արհեստականորեն են խթանում, առաջին հերթին, եվրոպացի քաղաքական գործիչները՝ պայմանավորված նրանով, որ արհեստական ​​դեֆիցիտ է ստեղծվել եվրոպական երկրներ գազի մատակարարման հետ կապված։