Փոլ Կրեկորյանը միաձայն ընտրվել է Լոս Անջելեսի քաղաքային խորհրդի նախագահ

Լոս Անջելեսի քաղաքային խորհրդի նախագահ է ընտրվել հայազգի Փոլ Կրեկորյանը: «Լոս Անջելեսի քաղաքային նախագահությունը համագործակցության, այլ ոչ թե ղեկավար պաշտոն է:

Այսօր ավարտվում է միակողմանի որոշումներ կայացնելու դարաշրջանը: Մենք բոլորս, ով արտոնություն ունի ծառայելու քաղաքապետարանում, պետք է պարտավորվենք մի կողմ թողնել մեկ խմբակցության, մեկ խմբի, մեկ թաղամասի ծառայելու ցանկացած գաղափար», – Լոս Անջելեսի խորհրդի նախագահ ընտրվելու վերաբերյալ իր հայտարարությունում, մասնավորապես, ասել է Փոլ Կրեկորյանը:

«Հայ Դատի» հանձնախումբը շնորհավորել է Կրեկորյանին Լոս Անջելեսի քաղաքային խորհրդի նախագահի պաշտոնում միաձայն ընտրվելու կպակցությամբ. «Մենք չափազանց հպարտ ենք, որ ամերիկահայ համայնքն այժմ ունի իր բարձրաստիճան ընտրված պաշտոնյան, որը ղեկավարում է Լոս Անջելեսը այս դժվարին ժամանակներում», – նշված է հաղորդագրությունում։