ԱՄՆ Սենատում Հարավային Կովկասի հարցով լսումներ կանցկացվեն

ԱՄՆ Սենատի արտաքին հարաբերությունների հանձնաժողովում նոյեմբերի 16-ին լսումներ կանցկացվեն, որոնց ընթացքում կգնահատվի Վաշինգտոնի քաղաքականությունը Հարավային Կովկասում։

Լսումներին ելույթ կունենան ԱՄՆ պետքարտուղարի Եվրոպայի եւ Եվրասիայի հարցերով տեղակալ Քարեն Դոնֆրիդը եւ ԱՄՆ Պետդեպարտամենտի կովկասյան բանակցությունների գծով ավագ խորհրդական, ԵԱՀԿ Մինսկի խմբի ամերիկացի համանախագահ Ֆիլիպ Ռիքերը։ Հանդիպումը կհեռարձակվի առցանց ձեւաչափով։