Սիրիայի տարածքին Իսրայելի հարվածներն անթույլատրելի են. ՌԴ նախագահի հատուկ ներկայացուցիչ

Իսրայելի հարվածները Սիրիայի տարածքին անթույլատրելի են։ Այս մասին հայտարարել է Ռուսաստանի նախագահի՝ Սիրիայի հարցով հատուկ ներկայացուցիչ Ալեքսանդր Լավրենտեւը "Աստանայի" բանակցությունների սկզբում, փոխանցում է "ՌԻԱ Նովոստի"-ն։


"Իհարկե, մենք կքննարկենք Իսրայելի կողմից Սիրիայի տարածքի գնդակոծումների հաճախակիացման հարցը։ Կարծում ենք, որ դրա վրա էլ պետք է ուշադրությունը կենտրոնացնել։ Դա անթույլատրելի է", - ասել է Լավրենտեւը։


Նա հիշեցրել է, որ ավելի վաղ Իսրայելի կողմից Դամասկոսի օդանավակայանին հասցված հարվածների հետեւանքով վնասվել էր թռիչքուղին, ինչը թույլ չի տալիս միջազգային չվերթներ ընդունել եւ տարանցում ապահովել եւ ժամանել Սիրիա:


Լավրենտեւը նաեւ հայտնել է, որ բանակցությունների մասնակիցները կքննարկեն նաեւ Սիրիայում ԱՄՆ-ի ներկայության հարցը, որոնք զբաղվում են "սիրիական ազգային հարստության թալանով", ինչի համար պետք է "պատնեշ դնել":


Ղազախստանում հունիսի 15-16-ը ընթանում են երաշխավոր երկրների (Ռուսաստան, Թուրքիա, Իրան) բարձր մակարդակի բանակցությունները Սիրիայի կառավարության եւ ընդդիմության, ինչպես նաեւ ՄԱԿ-ի ներկայացուցիչների մասնակցությամբ Սիրիայի հակամարտության կարգավորման "Աստանայի" գործընթացի վերաբերյալ:

Տպել

Թեմայի այլ նորություններ
Загрузка...