Սյսօր՝ ժամը 18:00-ին, Ֆրանսիայի հրապարակում հավաք տեղի կունենա. Իշխան Սաղաթելյան
ԱԺ փոխնախագահ, «Դիմադրություն» շարժման անդամ Իշխան Սաղաթելյանը հայտնել է, որ այսօր՝ ժամը 18:00-ին, Ֆրանսիայի հրապարակում հավաք տեղի կունենա:
Նա կոչ է արել քաղաքցիներին ակտիվորեն մասնակցել անհնազանդության ակցիաներին, որոնք այս պահին իրականացվում են մայրաքաղաքի տարբեր հատվածներում։
Ոստիկանությունը մայիսի 2-ի առավոտից բերման է ենթարկում ընդդիմության անհնազանդության ակցիաների մասնակցիներին` բիրտ ուժ կիրառելով նրանց նկատմամբ:
Մինչ այս պահը Երևանի տարբեր հատվածներից ոստիկանության բաժիններ բերման է ենթարկվել 189 քաղաքացի, VERELQ-ի հետ զրույցում հայտնել են ոստիկանության մամուլի ծառայությունից:
Քաղաքացիները բերման են ենթարկվել վարչական իրավախախտումների վերաբերյալ օրենսգրքի 182 հոդվածով նախատեսված արարքի համար, այն է` ոստիկանության ծառայողի օրինական պահանջը չկատարելը։