Մաքսավորները 600 հազար դոլար արժողությամբ մաքսանենգ հեռախոսների խմբաքանակ են ձերբակալել

Հայաստանում մաքսավորները մաքսանենգ ճանապարհով հանրապետություն ներմուծված բջջային հեռախոսների աննախադեպ խոշոր խմբաքանակ են ձերբակալել:

Այս մասին տեղեկացնում է ՀՀ պետական եկամուտների կոմիտեի մամուլի ծառայությունը։

Ըստ աղբյուրի՝ օպերատիվ տեղեկատվություն է ստացվել ԵԱՏՄ անդամ երկրից ՀՀ տարածք օդային ճանապարհով էլեկտրոնային փոստային ընկերություններից մեկի միջոցով հեռախոսների նախատեսվող մաքսանենգ մատակարարման մասին:

"Ձեռնարկված միջոցառումների արդյունքում "Զվարթնոց" օդանավակայանի "Կարգո" բեռնատար տերմինալի տարածքում հայտնաբերվել են Ռուսաստանի Դաշնությունից Հայաստանի Հանրապետություն ներմուծված 1328 սարքեր՝ մոտ 600 հազար դոլար շուկայական արժեքով, որոշ մոդելներ հայկական շուկայում վաճառվում են 600-1200 հազար դրամով", - ասված է հաղորդագրության մեջ:

Տեխնիկայի մաքսանենգ խմբաքանակում եղել են նաեւ մեծ քանակությամբ Պլանշետներ, էլեկտրոնային սիգարետներ եւ հեռախոսային պարագաներ:

Հարուցվել է քրեական գործ, բեռը առգրավվել է։