Նիկոլ Փաշինյանը նորից վարակվել է կորոնավիրուսով

ՀՀ վարչապետ Նիկոլ Փաշինյանը վարակվել է կորոնավիրուսով։ Այս մասին հայտնում են կառավարության մամուլի ծառայությունից։

«Նիկոլ Փաշինյանը կորոնավիրուսի թեստ է հանձնել, որի արդյունքը դրական էր։ Հիվանդությունն ասիմպտոմ է ընթանում, վարչապետը սահմանված կարգով ինքնամեկուսացել է», - ասված է հաղորդագրության մեջ։

Նշվում է, որ վարչապետը կաշխատի հեռակա կարգով։

VERELQ-ը հիշեցնում է, որ ՀՀ վարչապետ Նիկոլ Փաշինյանն առաջին անգամ վարակվել էր կորոնավիրուսով 2020թ. հունիսին: Այն ժամանակ ևս նա չուներ հիվանդության ախտանիշեր: