Ամենակարևորը Արցախի միջազգային ճանաչումն է. ԱԳ նախարար

Արցախը գտնվում է ծայրահեղ ծանր վիճակում, այն վիրավոր է։ Բայց վերակենդանացման բաժանմունքից կամաց-կամաց տեղափոխվում ենք ինտենսիվ թերապիայի բաժանմունք։ Առաջին հերթին պետք է հաղթահարել ծանր հոգեբանական վիճակը: Այս մասին ասուլիսում հայտարարեց Արցախի արտաքին գործերի նախարար Դավիթ Բաբայանը։

«Երրորդ պատերազմի աղետից հետո վերականգնումը սկսելու ժամանակն է»,- ​​շեշտեց Բաբայանը։

Կարևոր է նաև, նրա խոսքով, ակտիվանալ ու աշխարհին ներկայացնել սեփական դիրքորոշումը միջազգային բոլոր հարթակներում: 

«Աշխարհը պետք է տեսնի, որ Արցախը կա և զարգանում է, մենք ենք մեր ճակատագրի տերը: Իսկ ամենակարևոր ուղղությունը Արցախի միջազգային ճանաչումն է»,- ընդգծեց երկրի ԱԳ նախարարը։

Ինչ վերաբերում է նոր պատերազմի հավանականությանը, Դավիթ Բաբայանը նշեց, որ ոչ ոք չի կարող երաշխավորել դրա բացակայությունը, սակայն հիմա այդպիսի հնարավորությունը շատ փոքր է։ Բացի այդ, նշեց նա, Հայաստանի վրա լայնածավալ հարձակումը կնշանակի հարձակում ռուս խաղաղապահների և Ռուսաստանի վրա։

«Դա այլ տեսակի պատերազմ կլինի: Դա չի լինի պատերազմ Ադրբեջանի և Արցախի և Հայաստանի միջեւ: Եվ Ադրբեջանը դա հասկանում է»,- հավելեց նա։