Ադրբեջանի քաղաքացիական հասարակության աշխատանքային խումբը հրապարակել է քաղբանտարկյալների նոր միասնական ցուցակը, որը 94 մարդու անուն է ներառում: Այս մասին հաղորդում է Turan լրատվական գործակալությունը: Նրանց թվում են 6 լրագրող և բլոգեր, 2 հրապարակախոս, 1 իրավապաշտպան, 5 երիտասարդ ակտիվիստ, 5 քաղաքական կուսակցության անդամ, 61 հավատացյալ և 3 ցմահ ազատազրկման դատապարտված անձ։ Ընդհանուր առմամբ ցուցակում տեղ է գտել 139 մարդ։ Ընդ որում՝ նրանցից 45-ը պոտենցիալ քաղբանտարկյալ են։ Աշխատանքային խումբն գրում է, որ իրականում քաղբանտարկյալների թիվը զգալիորեն մեծ է։
