Ժիրայր Սեֆիլյանի կարծիքով՝ ստեղծված իրավիճակը պետք է խաղաղ ճանապարհով լուծում գտնի, արյունահեղություն չպետք է լինի: Այս մասին հայտարարել է Ժիրայր Սեֆիլյանի պաշտպան Արա Զաքարյանը, ով նախօրեին տեսակցել է իր պաշտպանյալի հետ: «Իր կողմից պատրաստ է անել հնարավորը, որպեսզի իրավիճակի հանգուցալուծումը գտնվի: Ժիրայր Սեֆիլյանն ամեն ինչ փորձում է անել, որ իրեն դարձնեն բանակցությունների մասնակից»,- «Ա1+»-ի հետ զրույցում նշել է պաշտպանը: Արա Զաքարյանը փոխանցում է Ժիրայր Սեֆիլյանի խոսքերը, ըստ որի՝ իր մասնակցությունը կարող է շատ դրական ազդեցություն ունենալ և հարցը խաղաղ ձևով լուծում կգտնի:
