ՀՀ-ում ԼԳԲՏ ֆորում չի անցկացվելու. ոստիկանապետը հայտարարեց, ՀԿ-ն՝ հաստատեց

490

Հայաստանի Հանրապետությունում ԼԳԲՏ ֆորում չի անցկացվելու: Այս մասին ԱԺ-ում լրագրողների հետ ճեպազրույցում նշել է ՀՀ ոստիկանապետ Վալերի Օսիպյանը՝ նշելով, որ ինքն էլ անձամբ նպատակահարմար չի գտնում նման միջոցառման անցկացումը:


«Ֆորումի չի լինելու: Նաեւ ռիսկերը հաշվի առնելով, անվտանգությունից ելնելով նպատակահարմար չեմ գտնում, որ այն անցկացվի Հայաստանում: Մենք բացատրական աշխատանքներ տարանք, որպեսզի ՀՀ տարածքում տեղի չունենա այդ ֆորոմը»,- ասաց Օսիպյանը:


Բայց, ավելացրեց նա, ՀՀ ոստիկանությունը պատրաստ է թե այդ, թե՛ ցանկացած այլ միջոցառման:


Հիշեցնենք, մի քանի օր առաջ լուր տարածվեց, թե  ԼԳԲՏ ֆորումը Հայաստանում տեղի չի ունենա, այն կտեղափոխվի այլ երկիր: Սակայն մի քանի ժամ անց «Նոր սերունդ» ՀԿ նախագահ Սերգեյ Գաբրիելյանը, որն աջակցություն է տրամադրում ֆորումի աշխատանքներին, հերքեց այդ տեղեկությունը և այն, թե նոյեմբերի 15-18-ը Երևանում նախատեսված ԼԳԲՏ-քրիստոնյաների ֆորումը տեղափոխվել է այլ երկիր:


Սակայն ՀՀ ոստիկանապետի հայտարարությունից հետո «Նոր սերունդ» ՀԿ-ն հանդես եկավ հայտարարությամբ և հաստատեց այն, որ համաժողովը չի կայանա մեր երկրում.


«Խտրականությունը՝ տարբեր հիմքերով, միշտ էլ նկատելի է եղել Հայաստանի Հանրապետությունում, սակայն այն, ինչ կատարվեց վերջին մի քանի ամիսններին, աննախադեպ էր՝ իր լայնամասշտաբությամբ։


Խտրականության դրսևորման նշանակակետը տվյալ դեպքում անձի սեռական կողմնորոշումն ու գենդերային ինքնությունն էին, ինչպես նաև իրավապաշտպանությունը ժողովրդավար, սիրո և համերաշխության երկրում՝ Հայաստանի Հանրապետությունում։


Հաշվի առնելով համացանցում անընդհատ հնչեցվող սպառնալիքները, կազմակերպված հետապնդումները և ֆորումի մասնակիցների վրա հավանական հարձակումների ռիսկերը, ինչպես նաև ՀՀ ոստիկանության կողմից պաշտպանելու լիարժեք պատրաստակամության բացակայությունը, «Նոր Սերունդ» Մարդասիրական ՀԿ-ն, բանակցելով «Արևելյան Եվրոպայի և Կենտրոնական Ասիայի ԼԳԲՏ քրիստոնյաների ֆորումի կազմակերպչական թիմի հետ, հայտարարում է, որ որոշում է կայացվել չեղարկել 2018թ-ի նոյեմբերի 15-18-ը Հայաստանում կայանալիք հանդիպումը։


Իրավիճակի մասին «Նոր Սերունդ» Մարդասիրական ՀԿ-ն «Արևելյան Եվրոպայի և Կենտրոնական Ասիայի ԼԳԲՏ քրիստոնյաների ֆորումի կազմակերպչական թիմի հետ համատեղ կտարածի հայտարարություն»,- ասված է դրա տեքստում։


Հիշեցնենք, նոյեմբերի 1-ին Մայր Աթոռ Սուրբ Էջմիածնում ընթացող Գերագույն հոգեւոր խորհրդի ժողովը եւս անդրադարձել էր այս խնդրին և մտահոգություն հայտնել՝ հայտարարելով, որ «համասեռամոլության վարքագծի գովազդումը սպառնում է ազգային եւ հոգեւոր արժեքներին»:


Օրերս նաև քննարկում էր անցկացվել Երևանում, որի մասնակիցները նշեցին, որ համաժողոբը նաև ազգային անվտանգության սպառնալիք է:


 

Տպել

Թեմայի այլ նորություններ
Загрузка...