Հայաստանի ներդրողների ակումբը նոյեմբերի 13-ին Երևանում կիրականացնի մեծ շնորհանդես: Այս մասին «РИА Новости»-ին տված հարցազրույցում ասել է ՀՀ նախագահ Սերժ Սարգսյանը: «Շնորհանդեսը կլինի ներդրումային ծրագրի մեկնարկի մասին (ավելի քան մեկ միլիարդ դոլար): Դա հիմնականում ներդրում կլինի Հայաստանի էներգետիկ ոլորտում, որն իր մեջ ներառում է երկրի էլեկտրացանցերի արդիականացումը, նոր հիդրոէլեկտրակայանի և Schneider Electric հայտնի ընկերության հետ նոր ձեռնարկության կառուցում, որը էներգետիկների համար ապրանքներ կարտադրի: Կարծում եմ, որ այդ արտադրանքը կգտնի իր սպառողին նաև ռուսական շուկայում», - ասել է Ս. Սարգսյանը:
