ՀՀ Սահմանադրական դատարանը մերժեց Կոնգրես-ՀԺԿ դաշինքի՝ ԱԺ ընտրությունների արդյունքներն անվավեր ճանաչելու վերաբերյալ դիմումը: Որոշումը հրապարակվեց երկու ժամ տևած խորհրդակցությունից հետո: Սահմանադրական դատարանի նախագահ Գագիկ Հարությունյանը նշեց, որ ընտրությունները եղել են լավ կազմակերպված, արտահայտել են ընտրողների կամարտահայտությունը և ընդհանուր առմամբ պահպանվել է խոսքի և հավաքների ազատությունը: Նրա խոսքով, ընտրակեղծիքի վերաբերյալ ապացույցների բացակայությունը, ինչը կոնկրետ այս դեպքում էր, կարծես ինքնանպատակ է դարձնում նման դատական վեճ նախաձեռնելը: Նշենք, որ դիմող կողմը որոշման հրապարակմանը ներկա չէր:
