Մամուլն այսօր գրել էր, թե Հանրապետական կուսակցության կանանց ջանքերը վերջապես տեղ են հասել և ՀՀ նախագահ Սերժ Սարգսյանը Արփինե Հովհաննիսյանին հրահանգել է զբաղվել միայն ԵԽԽՎ-ի շրջանակում եղած գործերով: VERELQ-ի հետ զրույցում ԱԺ փոխնախագահ, ԵԽԽՎ-ում հայաստանյան պատվիրակության ղեկավար Արփինե Հովհաննիսյանը նշեց, որ նման լուրերն ուղղակի անհեթեթություն են: Ըստ այդմ, նա հրաժարվեց մեկնաբանել նման զավեշտալի լուրերը. «Պարզապես մեկ բան՝ հիվանդագին երևակայությունը և սեփական ցանկությունները իրականության հետ շփոթելն արդեն լուրջ հիվանդության ախտանշան է, ընդ որում՝ բավական ծանր փուլում գտնվող»,- ասաց նա՝ հավելելով, որ հենց այդ պատճառով էլ իր համար պարզ տեսանելի են աղբյուրի ոչ միայն ականջները, այլև ողջ մարմինը: Նշենք, որ Արփինե Հովհաննիսյանի դեմ իբրև թե տարվող կանանց պայքարի թեման հայաստանյան ԶԼՄ-ների սիրած թեմաներից մեկն է, որին պարբերաբար վերադառնում են:
